Lawrence Zammit about Election 2008

SERHAN IL-MOHH

2008-03-05T03:56:00.001-08:00

Jekk hemm xi haga li kollha nixtiequ li jkollna hu is-serhan tal-mohh. Ahna l-Maltin hemm xi haga fina li iggeghlna nhobbu l-kwiet u l-paci. Hallina nahdmu ghalina u ghall-familji taghna u ma naghtu fastidju lil hadd.

Dan is-serhan tal-mohh jigi mic-certezzi li ahna jkollna fil-hajja taghna, kif ukoll il-fiducja fina nfusna. Ahna poplu biezel u kuragguz. Poplu biezel ghax ix-xoghol nidhlu ghalih. Dan jixhdu mhux biss l-ammont ta’ nies li hawn jahdmu f’pajjizna, izda anke l-ammont ta’ sighat li nahdmu. U meta ma nkunux qed nahdmu hafna minna jinvolvu rihhom f’xi hidma ta’ volontarjat jew immiddu idejna u naghmlu xi haga fid-dar li noqoghdu fiha.

Ahna wkoll poplu kuragguz ghax qatt ma qtajna qalbna quddiem l-isfidi. Anzi l-isfidi dejjem harisna lejhom f’wicchom u ghelibnihom. Dan kien l-ispirtu li kien jirrenja f’pajjizna meta akkwistajna l-Indipendenza fl-1964 u wara li sirna membri ta’ l-Unjoni Ewropeja fl-2004. Dan l-ispirtu huwa prezenti fina illum ukoll. Nafu li qedin f’salib it-toroq ghal darb’ohra, u b’kuragg irridu inkomplu nahdmu biex ingibu lil pajjjizna ‘l quddiem u biex inkunu nistaghu nghixu ahjar.

Il-mument li tonqos il-fiducja fina nfusna jew insibu min jaqtaghlna qalbna, minghajr ma trid, is-serhan tal-mohh jibda jizvinta. Ghalhekk is-serjeta’ fil-politika titlob li mhux indahhlu id-dubbju, izda li ndahhlu il-fiducja. Titlob mhux lil min jaqtaghlna qalbna, izda titlob lil min jaghmlilna kuragg; dak il-kuragg li jghinna niffacjaw il-gejjieni b’success.

Biex ikollna dan is-success hemm bzonn ta’ poltika serja f’diversi oqsma bhall-edukazzjoni, is-sahha, l-ambjent, l-ekonomija. Hija din il-politika serja li taghtina ic-certezza. Jien nemmen li fl-elezzjoni tat-8 ta’ Marzu, l-aktar ghazla importanti li irridu naghmlu hi bejn min jista’ jaghtina is-serhan tal-mohh fis-snin li gejjin.

IL-POLITIKA TAL-QERDA

2008-03-03T14:27:00.001-08:00

Il-politiku huwa bniedem li jaghzel li parti mill-hin tieghu juzah biex jaghti servizz lill-pajjiz. Meta jaghmel din l-ghazla jidhol ghal sagrificcji personali kbar. Hafna drabi ikollu jqatta’ hafna hin ‘l boghod mill-familja tieghu jew minn shabu. Ftit ikollu hin ghall-passatempi tieghu. Is-soddisfazzjon tieghu hu li jara lil pajjizna jimxi ‘l quddiem, u dak is-soddisfazzjon inessieh is-sagrificcju personali li jkun ghamel.

Ghalhekk dejjem emmint li l-politiku huwa bniedem ta’ min jirrispettah, bhalma nirrispettaw lil numru kbir ta’ nies ohra li jaghtu mill-hin taghhom ghall-gid ta’ haddiehor.

Fil-politika li jghodd huwa l-idejat u l-idejali tal-politici. Dawn l-idejat u idejali isawwru il-futur ta’ pajjizna u tal-hajja tgahna, kemm fuq livell ekonomiku kif ukoll fuq livell socjali. Xi kultant dawn ihallu effett pozittiv u xi kultnat ihallu effett negattiv. Aktar ma jkun hawn diskussjoni serja fuq il-politika, aktar hemm possibilta’ li l-effett tal-politika fuq hajjitna ikun pozittiv.

Min-naha l-ohra, jekk il-politika nirrenduha ghal politika tal-qerda, inkunu qedin naghmlu deni lil pajjizna. Meta nirreferi ghall-politika tal-qerda, inkun qed infisser il-qerda tal-karattru. F’dan il-kaz li jghodd mhux x’ser jigri minn pajjizna u l-poplu Malti u Ghawdxi fil-futur, imma kif ser inkisser lill-avversarju tieghi biex jien nidher sabih.

Il-politika tal-qerda tkisser l-ideja li l-poltiku qieghed hemm biex jaghti servizz lill-pajjiz. Barra minn hekk ma taghtix l-opportunita’ li jkun hawn dibattitu serju fuq proposti ghall-futur. Ghalhekk huwa importanti li ghal granet li fadal sa l-elezzjoni ma naghtux kaz il-poltika tal-qerda, imma naghtu kaz aktar il-poltika serja fejn dak li jghidd huma l-idejat u l-idejali.

POLITIKA SERJA

2008-03-01T10:25:00.000-08:00

Wasalna fl-ahhar gimgha ta’ din il-kampanja elettorali. Nistghu insejhulu il-mument tal-verita’. Dan hu il-mument fejn il-kontenut tal-proposti taz-zewg partiti ghal-legislatura li gejja ghandhom ikunu fic-centru ta’ l-attenzjoni taghna. Fuq kollox dan hu il-qofol ta’ politika serja – x’direzzjoni ser jiehu pajjizna fis-snin li gejjin.

Dan ghaliex f’elezzjoni l-ghazla li hemm bzonn li naghmlu mhux bejn partit u iehor izda bejn tip ta’ gvern u iehor. Hija ghazla bejn il-vizjoni, l-idejat, u l-istrategiji dwar kif sejrin inkomplu nimxu ‘l quddiem. Dan ma jfissirx li l-personalitajiet fil-politika mhumiex importanti. Izda il-personalitajiet fil-politika irridu narawhom fl-isfond ta’ l-idejat li dawn ihaddnu.

Naturalment huwa facli li wiehed jikkritika lill-Gvern li seta’ jaghmel aktar u ma ghamilx; u ghaliex certu idejat godda ma gewx attawati qabel. Izda li partit li jkun fil-Gvern jibqa’ johrog bi proposti godda, hija prova ta’ politika serja. Jien nippretendi li partit, anke jekk ikun ilu fil-Gvern, xorta wahda ikun ghadu mimli b’idejat friski; b’idejat dwar kif pajjizna jista’ jkompli javvanza fl-oqsma kollha tal-hajja.

Fuq kollox dan hu li naghmlu bhala bnedmin fil-hajja taghna. Ahna nafu li ma nistghux naghmlu kollox f’daqqa. Allura nibdew naghmlu l-affarijiet bicca, bicca, u meta inlestu xi haga, nibdew fuq xi haga ohra. Nippruvaw dejjem intejbu il-mod kif nghixu, skond kif nifhmuha kull wiehed u wahda minna. Din turi is-serjeta’ taghna bhala persuni.

Fil-politika l-istess haga. Naraw x’sar, naraw x’qed isir bhalissa u naraw x’nistghu naghmlu fil-futur. Huma dawn l-affarijiet li jaghtu direzzjoni lil pajjizna u mhux l-attakki perosnali. Fil-mument tal-verita’ is-serjeta’ fil-poltika titlob li niddeciedu fuq il-kontenut tal-proposti biss.

POLITIKA SERJA

2008-03-01T10:19:00.000-08:00

PAJJIZNA JIBQA’ DEJJEM BZONN IX-XOGHOL

2008-02-26T06:44:00.001-08:00

Ix-xoghol jew in-nuqqas tieghu dejjem iddominaw id-dibattitu dwar l-ekonomija f’pajjizna. Ghalhekk fiz-zmenjiet ta’ kampanja elettorali zgur li mhux sorpriza li x-xoghol jerga’ jsir suggett importanti.

Nahseb li hemm numru ta’ fatturi li irridu nzommu quddiem ghajnejna meta nitkellmu fuq ix-xoghol. L-ewwel, illum ghandna rata ta’ tkabbir ekonomiku ta aktar minn 4%. Din ir-rata nixtiequ inziduha, u nistghu inzidduha billi jitkattru l-impjiegi. Il-mument li ma nibqghux inkattru l-impjiegi, it-tkabbir eknomiku jizvinta. Nifhmu li gahndna bzonn madwar 5,000 impjieg gdid fis-sena biex insostnu din ir-rata ta’ tkabbir.

It-tieni, l-unika rizorsa li ghandna hu in-nies u il-hiliet taghhom. Biex tikber l-ekonomija, ahna m’ghandniex iz-zejt li jaghmel tajjeb jew xi rizorsa naturali ohra. La n-nies huma l-unika rizorsa taghna, wiehed malajr jifhem l-importanza tax-xoghol f’pajjizna.

It-tielet, f’dinja fejn il-kompetizzjoni qed tizdied u fejn kulma jmur qed issir aktar globalizzata, ma nistghu qatt nieqfu nistinkaw biex ingibu ix-xoghol lejn pajjizna. Irridu nifhmu li dak li ghandna illum, jista’ ma jkunx hawn ghada. Lanqas ma ghandna garanzija li dak l-investiment li gie mwieghed lilna xorta ser jigi, jekk nibdlu l-politika taghna.

Ir-raba, ghandna sitwazzjoni fejn irridu inzidu ir-rata ta’ partecipazzjoni fil-labour force, partikolarment dik tan-nisa, filwaqt li min jilhaq l-eta’ ta’ l-irtirar ikun irid jibqa’ jahdem. Biex dan isehh, bilfors hemm bzonn li niggeneraw aktar impjiegi, inkella naqghu lura.

Il-hames, ghandna zieda qawwija fl-ammont ta’ zghazagh li jibqghu jistudjaw. L-aspettativa ta’ dawn iz-zghazagh zgur li hi li jkollhom impjieg li jirrendi u mhux kwalunkwe impjieg. Dan il-fattur ukoll jitlob minnha sforz kontinwu biex inzidu ix-xoghol.

Forsi f’dawn l-ahhar snin ma tantx hassejna il-problema tax-xoghol, ghax kien hawn hafna opportunitajiet fejn wiehed jahdem. Imma ma nistghux nieqfu hawn, ghax pajjizna jibqa’ dejjem bzonn tax-xoghol. Ma nistghux niehdu l-affarijiet for granted. Ix-xoghol gie ghax hadna hafna decizjonijiet tajbin li attiraw l-investiment lejn pajjizna. Irridu nizguraw li dawn id-decizjonijiet nibqghu nehduhom u ma jkollna lil hadd li aktar jaf igerrex l-investiment milli jattirah lejn pajjizna.

NO REGRETS – IL-FORZA LI TITLOB SKUZA

2008-02-24T23:24:00.000-08:00

Il-Malti jghid li min ma jaghmel xejn ma jizbaljax. Jigifieri li tizbalja mhux biss hi xi haga umana u allura normali, izda hija wkoll il-karatteristika ta’ bniedem biezel, li jaghmel sforz biex jaghti l-ahjar tieghu imma xorta xi hin jew iehor l-affarijiet imorru zmerc.

Imma hawn min jahseb li ma jistax jizbalja ghax dejjem jahseb li hu ghandu ragun. Nafu li dejjem ghandek ragun ma jistax ikun, u min jippretendi li hu hekk, huwa fin-natura tieghu supperv. Tant ikun supperv li wara li jkun zbalja jara kif ha jitfa’ it-tort fuq haddiehor, u aghar min hekk, ma jammettix l-izball u ma jitlobx skuza.

Dan isir ghaliex hawn min jahseb li titlob skuza huwa sinjal ta’ dghjufija. Fil-fatt mhuwiex hekk ghax min jitlob skuza ghall-izball li ghamel huwa bniedem ta’ forza. Kull min ghandu pozizzjoni ta’ awtorita’ jaf li ta’ tahtu jippretenduh li meta jizbalja jammetti l-izball u jiskuza ruhu.

Kien ghalhekk, per ezempju, li meta il-Papa Gwanni Pawlu II talab skuza lill-popli ta’ l-Amerika Latina ghall-vjolenza li intuzat kontrihom fis-sekli sittax u sbatax minn persuni li kienu qed jagixxu ghan-nom tal-Knisja Kattolika, kulhadd fehem il-kobor ta’ dan il-bniedem. F’Malta ukoll il-Knisja talbet skuza ghal dak li sehh f’pajjizna fil-bidu tas-snin sittin.

Min-naha l-ohra ghandna min ma jridx jaf bi skuza; anzi ma jiddispjacih xejn. Il-lista ta’ xhiex ghandha tintalab skuza mill-Malta Labour Party hija twila ferm. Min garrab l-effetti ta’ dawn l-izbalji ghadu jistenna u mid-dehra ser jibqa’ jistenna.

Li tinsisti li tghid “no regrets” huwa sinjal negattiv ferm.

NIRNEXXU LKOLL

2008-02-23T14:08:00.000-08:00

Li tirnexxi fil-hajja hija aspirazzjoni li ghandu kulhadd. Naturalment kulhadd jixtieq jirnexxi fil-qasam tieghu jew taghha. Hu ghalhekk li meta il-Partit Nazzjonalista hareg bl-islogan “Biex nirnexxu lkoll” laqatni hafna. Laqatni l-akatr ghax huwa messagg li jghodd ghal kulhadd. Huwa messagg li jinkludi lil kulhadd u ma jeskludi lil hadd.

L-ewwel ma jigu f’mohhok huma it-tfal li jistinkaw biex jitghallmu hafna biex ikunu jistghu isibu ix-xoghol li jixtiequ huma. L-edukazzjoni hija fil-fatt cavetta importanti hafna biex nirnexxu lkoll. Izda li tirnexxi mhux biss kwistjoni ta’ skola. Per ezempju jigu f’mohhi l-isportivi. Meta dawn ikollhom success fl-isport taghhom ikunu irnexxew ukoll. Jigu f’mohhi kantanti bhal Ira Losco u Chiara. Zgur li naqblu li dawn irnexxew. Jigu f’mohhi ukoll dawk il-persuni li jahdmu fil-qasam tal-kultura bhal l-artitsti.

Il-messagg “Biex nirnexxu lkoll” ghandu jinftiehem b’mod l-aktar wiesgha. U id-dover tal-gvern hu li johloq l-ambjent fejn kulhadd jirnexxi skond it-talenti li jkun tah Alla. Ma hemm xejn aghar ghal bniedem li jhoss li jista’ jaghti il-kontribut tieghu lis-socjeta’ u ma jinghatax l-opportuntita’. U l-opportunita’ tigi billi tiftah il-bibien u mhux taghlaqhom.

“Biex nirnexxu lkoll” hu messagg ghal persuni bi bzonnijiet specjali, ghal persuni li forsi il-hajja ma tkunx dahkitilhom, ghal dawk li jahdmu fil-volontarjat, ghan-nisa li jixtiequ jirritornaw lejn id-dinja tax-xoghol, ghall-missiriejiet li kuljum imorru jahdmu ghall-gid tal-familja taghhom, ghall-genituri li jrabbu b’tant ghozza lil uliedhom, lill-anzjani li jkunu jridu jkomplu jahdmu wara li jkun l’eta’ ta’ l-irtirar u l-anzjani li jkunu jixtiequ jergghu jibdew jistudjaw.

Kulhadd ghandu id-dritt li jirnexxi fil-hajja. Izda nistghu nirnexxu biss jekk ikollna gvern li jinvesti fl-edukazzjoni u it-tahrig, fis-sahha, fl-ambjent, fis-servizzi socjali, fl-ekonomija biex jinholqu l-impjiegi. Nirnexxu biss jekk ikollna gvern li jemmen tassew fil-kapacitajiet tal-familji Maltin u Ghawdxin u li jkun determinat quddiem l-isfidi. Nirnexxu biss jekk ikollna gvern li ma jibzax jiehu id-decizjonijiet li hemm bzonn jittiehdu. Nirnexxu biss jekk ikollna gvern li jtina is-serhan tal-mohh.

MA NILAGĦBUX MAN-NAR

2008-02-21T08:35:00.000-08:00

Din il-ġimgħa kellna xi aħbarijiet ferm pożittivi. Kollha jixhdu ix-xogħol tajjeb li qed isir u li pajjiżna sejjer tajjeb. Kellna l-aħbar li Malta ġiet ikklassifikata fil-ħdax-il post minn fost 195 pajjiz fi stħarrig dwar il-kwalita’ tal-ħajja. L-Unjoni Ewropeja tellgħet l-istima tagħha dwar it-tkabbir ekonomiku ta’ pajjiżna għas-sena l-oħra għal 4.5%.

Kellna wkoll kumpanija Indjana tal-farmaċewtika li ħabbret investiment ta’ 10 miljun ewro b’ħolqien ta’ 120 impjieg. Kellna ir-riżultat ta’ riċerka li saret mill-Union Ħaddiema Magħqudin dwar l-andament tal-prezzijiet meta daħlet l-ewro Malta fil-bidu ta’ Jannar ta’ din is-sena’. Kuntrarju għal dak kollu li qalu xi wħud, il-prezzijiet baqgħu stabbli.

Dawn il-biċċiet ta’ aħbarijiet jimlewna b’kuraġġ għax jgħinuna nikkonvinċu ruħna li aħna poplu kapaċi jagħti riżultati tajbin. Nikkonvinċu ruħna li aħna nikkomparaw tajjeb ma’ pajjiżi oħra li forsi huma ikkunsidrati aktar żviluppati minn tagħna. Iżda dan xorta ifisser li għad fadlilna aktar x’naqdfu.

Dawn ir-riżultati ġew għax kellna politika ekonomika u soċjali stabbli li kienet imżewwġa mal-mira li nintegraw pajjiżna ma’ l-Unjoni Ewropeja. Illum, tlett snin wara li sirna membri ta’ l-Unjoni Ewropeja qegħdin naraw ir-riżultati. Huwa għalhekk importanti li nibqgħu għaddejjin b’din il-politika u ntejjbuha kif ikun hemm bżonn.

Iżda żgur ma nistgħux naffordjaw noqogħdu nesperimentaw bl-idejat. Idejat ġodda għandna bżonnhom għax il-bżonnijiet ta’ pajjiżna ta’ għada mhumiex l-istess bħal dawk tal-bieraħ. Imma iridu jkunu idejat ibbażati fuq ir-rejalta’ ta’ llum. Meta ma nagħmlux hekk, inkunu qed nilagħbu man-nar u ż-żgħażagħ tagħna m’għandhomx bżonn min jilgħab man-nar għax ikun qed jirriskja il-futur tagħhom.

L-Edukazzjoni – l-għajn li nixorbu minnha.

2008-02-20T13:31:00.001-08:00

Il-Prim Ministru, Lawrence Gonzi, indirizza konferenza stampa dwar il-proposti tal-Partit Nazzjonalista dwar l-edukazzjoni. Dawn il-proposti jinkludu il-mira li almenu 85% fil-mija taż-żgħażagħ Maltin u Ghawdxin ikomplu jistudjaw wara l-iskola sekondarja. Jinkludu ukoll tibdil dwar kif jiġu assessjati l-istudenti u aktar investiment fil-kompjuters.

L-edukazzjoni dejjem taħkem l-attenzjoni ta’ l-elettorat kollu. Naturalment tinteressa liż-żgħażagħ għax l-edukazzjoni hija il-ħajja tagħhom. Tinteressa lill-ġenituri għax qed nitkellmu dwar il-futur ta’ l-aktar ħaġa għażiża fil-ħajja tagħhom – it-tfal. Tinteressa wkoll lin-nanniet għax wara l-isforzi li jkunu għamlu f’ħajjithom, ma jkunux jixtiequ jaraw lin-nepuijiet tagħhom ibatu minħabba politika ħazina fl-edukazzjoni.

Fil-fatt hu importanti li napprezzaw li meta wieħed qed jitkellem dwar l-edukazzjoni m’aħniex qed nitkellmu dwar bini jew kotba jew curriculum jew suġġetti, iżda qed nitkellmu fuq in-nies. Qed nitkellmu fuq persuni umani. Jekk il-policies fl-edukazzjoni ikunu dawk tajbin, il-poplu kollu igawdi, filwaqt li jekk il-policies ikunu ħżiena il-poplu kollu ibati.

L-edukazzjoni hi tassew l-għajn li nixorbu minnha. Irridu nieħdu ħsiebha. Dak li għandna illum ma nistgħux naħsbu li ġie mix-xejn. Min għandu l-eta’ tiegħi jiftakar iż-żmien meta l-iskejjel tal-Knisja kienu mhedda, jiktakar kif l-iskejjel ta’ l-istat kienu tħallew jaqgħu fi stat tal-biki, u jiftakar kif il-bibien ta’ l-Universita’ kienu ġew magħluqa għaż-żgħażagħ Maltin u Għawdxin.

Għalhekk irridu nibqgħu nagħtuha l-attenzjoni tagħna u ma nistgħu inħallu lil hadd min ikissirilna. Pajjiż0na ma jiflaħx ikollu lil xi ħadd li joqgħod jesperimenta bl-edukazzjoni. Pajjiżna għandu bżonn gvern li jagħti prijorita’ lill-edukazzjoni, li diġa wera bil-fatti li lest li jpoġġi r-riżorsi kollha neċessarji f’dan is-settur, li ma joqgħodx iqanċaċ biex jara kif ha jiffranka il-flus. Minn dak li rajna sa issa din il-garanzija jista’ jtiha biss il-partit Nazzjonalista.

Il-Bidla. X’bidla?

2008-02-19T06:22:00.000-08:00

F’din l-elezzjoni l-aspett tal-bidla huwa aspett li l-elettorat jidher li qed jagħtiha imporatnza kbira. Wieħed jifhem dan il-punt għax qedin nitkellmu fuq min ser jiggverna pajjiżna fil- ħames snin li ġejjin, f’dinja li kull ma jmur qeda tinbidel u f’ċirkostanzi li jinbidlu minn ġurnata għall-oħra.

Pajjiżna jaf xi tfisser il-bidla għax fl-aħħar ħames snin għadda minn bidla kbira b’suċċess. Fil-fatt importanti li nisħqu fuq dan il-punt. Is-suċċess ta’ din il-bidla inħossuħ kuljum. In-numru ta’ impjiegi li nħolqu, il-flus fil-bwiet tal-familji Maltin, l-opportunitajiet għaż-żgħażagħ u għal kull min jixtieq ikompli jitgħallem fl-edukazzjoni bl-investimenti fl-iskejjel u l-MCAST, servizz aħjar tas-saħħa, l-introduzzjoni ta’ l-ewro huma kollha xhieda ta’ din il-bidla li saret b’suċċess.

Dan il-process tal-bidla hemm bżonn li nkompluħ biex pajjiżna ikompli jimmodernizza ruhu. Huwa proċess li beda fl-1987 u dejjem kellu lill-Partit Nazzjonalista imexxieħ. Il-fatti juru li l-Malta Labour Party kien kontra dan il-proċess ta’ bidla. Qal le għall-Unjoni Ewropeja. Qal le għall-introduzzjoni ta’ l-ewro. Qal le għall-VAT u daħħal is-CET u kellna diżastru fil-finanzi tal-gvern. Qal le għall-kunsilli lokali. Qal le għall-inevestiment fl-Universita’ biex din tkun miftuħa għal aktar żgħażagħ Maltin. Qal le għall-kompjuters u għal Sm@rtCity. Il-lista tal-le hi twila u hija lista ta’ żbalji tal-Malta Labour Party.

Għalhekk huwa ċar li l-Partit Nazzjonalista huwa il-partit li jġib il-bidla vera, u kollox qed jindika mis-sondaġġi li qed isiru, li l-elettorat jixtieq jafda lil Lawrence Gonzi biex imexxiħ minn dan il-proċess ta’ bidla.

Huwa evidenti ukoll li l-elettorat ma jridx bidla fl-idejat. Irid ikompli igawdi il-kwalita’ tal-ħajja li qed jgħix illum, anzi irid itejjibha. Iżda ma jridx gvern li jesperimenta bl-edukazzjoni tat-tfal tagħna. Ma jridx gvern li jġib l-instabbilita’ u il-qgħad. Ma jridx gvern li jibda jilgħab bis-servizzi għall-anzjani biex mingħaliħ inaqqas id-defisit. Ma jridx gvern li l-ewwel jgħid ħaġa u wara ftit ibiddel fehmtu għall-biża li jitlef il-voti.

Issa li gew ippublikati il-programmi elettorali taż-żewġ partiti jidher ċar min għandu l-idejat friski. Jidher ċar li għandna Prim Ministru li għad fadallu ħafna x’jagħti lill-pajjiżna u hu l-aħjar bniedem biex imexxi lill-familji Maltin u Għawdxin biex inkomplu fit-triq tal-bidla.

Il-Proposta dwar it-tnaqqis tat-Taxxa

2008-02-17T14:32:00.000-08:00

Il-proposta tal-Partit Nazzjonalista li jinvesti fit-tkabbir ekonomiku ta’ pajjiżna u għalhekk jinħoloq aktar xogħol permezz ta’ tnaqqis fit-taxxa li nħallsu, ħolqot ħafna diskussjoni. Hija proposta li permezz tagħha Gvern Nazzjonalista jinvesti ftit aktar minn 46 miljun Ewro.

Din hjia proposta tassew tajba għaliex tolqot b’mod pożittiv lil kull settur tal-popolazzjoni, min b’mod, min b’ieħor. Hija proposta li tippremja ix-xogħol u l-bżulija. Tippremja liż-żgħażagħ għax iħallasu anqas taxxa fil-bidu tal-karriera tagħhom. Tippremja lill-dawk il-persuni li jkunu avvanzaw fil-karriera tagħhom u lil dawk li jaqalgħu aktar għax qed jaħdmu aktar. Tippremja ukoll lill-familji fejn jaħdmu kemm ir-raġel kif ukoll il-mara.

Din il-proposta iżżid fuq il-miżuri tal-Baġit u turi li tifforma parti minn pjan meqjus li l-iskopijiet ewlenin tiegħu hu li jkun hawn aktar xogħol u li l-Matin ikollhom aktar flus fil-but.

Kif wieħed kien jistenna, din il-proposta ġiet ikkritaka mill-partiti l-oħra. Hemm min insista li din il-proposta ser tiġi tiswa 125 miljun Ewro. Wieħed malajr jinduna mill-kritika li saret, li l-partiti l-oħra għadhom ma fehmux eżatt x’tgħid din il-proposta. Per eżempju ikkritikaw lill-Partit Nazzjonalista għax permezz ta’ din il-proposta, is-sidien ta’ l-industriji ż-żgħar ser jiffrankaw mit-taxxa.

U x’hemm ħazin f’dan? Dan ser jgħin lil dawn l-industriji ikabbru l-attiviatjiet tagħhom, jinvestu aktar u joħolqu x-xogħol.

Din il-proposta tal-Partit Nazzjonalista ħakmet l-attenzjoni tal-poplu Malti għax qed jara fiha politika serja għall-ġid tal-pajjiz kollu. Din il-proposta toħloq ix-xogħol, tagħti d-dinjita lill-ħaddiem Malti u issaħħaħ il-ħarsien tal-familji Maltin.

Il-Partit Nazzjonalista hu il-partit ta’ l-ambjent

2008-02-16T15:58:00.001-08:00

Din il-gimgha li ghaddiet il-Partit Nazzjonalista iffoka fuq l-ambjent. Il-proposta li laqtet l-attenzjoni ta’ hafna nies hi li l-Prim Ministru Dr Lawrence Gonzi ser jiehu f’idejh ir-riforma ta’ l-Awtorita’ Maltija ghall-Ippjanar u l-Ambjent (MEPA). Izda importanti wiehed jinnota li kien hemm aktar proposti fuq l-ambjent li jindirizzaw mhux biss il-bini izda wkoll it-tniggiz ta’ l-arja, il-bidla fil-klima, sorsi alternattivi ta’ l-energija u aspetti ohra li mhux biss jipprotegu, izda wkoll isahhu l-ambjent li nghixu fih.

Meta wiehed jitkellem fuq l-ambjent wiehed irid izomm f’mohhu dejjem il-fatt li ahna gzira zghira ta’ 300 kilometru kwadru, b’popolazzjoni ta’ ‘l fuq minn 400,000 ruh, bin-numru ta’ turisti li jlahhaq il-1,300,000. Ghalhekk wiehed jifhem li l-bzonn li ghandna ta’ bini f’din ic-ckejkna gzira mhux zghir.

Imbaghad wiehed irid izid il-bzonn li ghandna f’Malta ghal infastruttura li fi bliet tad-daqs taghna ma ghandhomx. Ahna ghandna bzonn li jkollna il-power station taghna, ghandna bzonn li jkollna l-ajruport taghna, ghandna bzonn li jkollna l-isptar taghna. Ghalhekk il-piz fuq l-ambjent jikber.

Hemm bzonn ukoll li nsahhu l-ekonomija, noholqu ix-xoghol ghall-haddiema Maltin, nistimolaw il-kummerc. Allura ghandna bzonn il-fabbriki, ghandna bzonn il-hwienet, ghandna bzonn il-lukandi, ghandna bzonn strutturi bhall-Freeport li huma il-bazi ta’ l-ekonomija taghna.

Min-naha l-ohra zgur naqblu li hemm bzonn niehdu hsieb l-ambjent taghna, Izda li niehdu hsieb l-ambjent ma jifssirx biss li nikkontrollaw il-bini jew li insebbhu il-kampanja fejn inqattghu il-hin liberu taghna. Niehdu hsieb l-ambjent ukoll billi ikollna sistemi ta’ riciklagg ta’ l-skart addatati ghad-dinja tal-lum; billi naghmlu uzu minn energija li tigi minn sorsi li jiggeddu bhar-rih, billi naghtu il-kontribut taghna biex niehdu hsieb il-klima, billi ma nniggsux l-arja.

Dan ifisser li hemm bzonn li noholqu bilanc bejn il-bzonnijiet ambjentali u il-bzonnijiet ta’ l-ekonomija u tas-socjeta’. Meta nitkellmu fuq zvilupp sostenibbli, dan ifisser li hemm bzonn insostnu l-ambjent u hemm bzonn li nsostnu l-attivita’ ekonomika.

Il-fatti juru li l-Partit Nazzjonalista biss wera li hu knoxju mill-bzonn tal-bilanc li qed insemmu. Il-Partit Nazzjonalista mhux biss hu konxju minn dan, izda ghandu il-policies li jressquna lejn dan il-bilanc. Il-proposti tal-Partit Nazzjonalista ghall-elezzjoni li gejja ipoggu lill-ambjent fil-qalba ta’ l-azzjoni governattiva. Ghlhekk il-Partit Nazzjonalista jista’ jghid li hu il-partit ta’ l-ambjent.

Il-Malta Labour Party u l-Unjoni Ewropeja

2008-02-14T03:07:00.000-08:00

Il-Malta Labour Party ħareġ bl-ideja li jerġa’ jiftaħ il-pakkett tan-negozjati ma’ l-Unjoni Ewropeja jekk ikun fil-Gvern. Din l-istqarrija mil-ewwel tnissel fina biża kbira li l-Malta Labour Party ser jagħmel minn kollox biex aħna ma nibqgħux Ewropej sħaħ.

Fi tmiem il-ġimgħa kien hemm artiklu fis-Sunday Times of Malta fejn intqal li l-Unjoni Ewropeja mhux lesta terġa’ tiftaħ xi diskussjonijiet ma’ Malta fuq il-kundizzjonijiet tas-sħubija tagħna.

Forsi il-fatt li l-Unjoni Ewropeja mhux lesta terġa’ tiftaħ diskussjonijet ma’ pajjiżna isserraħ ftit il-moħħ. Iżda mhux hekk. Il-verita’ hi li peress il-Malta Labour Party dejjem irrifjuta li Malta għandha tkun membru ta’ l-Unjoni Ewropeja, dan ma ndenjax jinforma ruħu kif taħdem l-Unjoni Ewropeja; u dan jidher ċar mill-mod kif jitkellem dwar l-UE il-Malta Labour Party.

Dan ifisser li l-Malta Labour Party fil-gvern ma jkollux ideja kif jista’ jħares l-interessi ta’ pajjiżna kif wera li jaf jagħmel il-Partit Nazzjonalista bil-fatti. Ma jkollux ideja kif jista’ jinnegozja dwar liġijiet ġodda Ewropej, kif jista’ iġib akta flus mill-Unjoni Ewropeja, kif jista’ jisfrutta l-opportunitajiet li toffrilna l-Unjoni Ewropeja.

Fuq kollox, wieħed malajr jinduna li bil-Malta Labour Party inkunu Ewropej ta’ nofs kedda, għax ikollna gvern li jkun qiegħed fl-UE fuq qalbu. U nafu li meta xi ħadd jagħmel xi ħaga fuq qalbu u bla entużjażmu, ma jkollokx ir-riżultati li tkun trid. Min-naħa l-oħra Partit Nazzjonalista fil-gvern mhux biss jiżgura li nibqgħu ‘ngawdu il-benefiċċji tas-sħubija fl-Unjoni Ewropeja, iżda jiżgura wkoll li nibqgħu Ewropej sħaħ.

Il-ħaddiema, ż-żgħażagħ, l-anżjani u l-familji Maltin u Għawdxin ma jixirqilhomx li jkunu Ewropej ta’ nofs kedda, izda jixirqilhom li jkunu Ewropej sħaħ.